Май бәйрәмнәрендә 7 көн ял итәбез
Май аенда барлыгы - 18 эш көне, 12 ял һәм бәйрәм көннәре Май аенда татарстанлыларны рәттән 4 көн ял көтә: 1,2,3 һәм 4 май. Җиңү көне уңаеннан, 9, 10, 11 майда ял дәвам итәчәк. Бу хакта ТР Хезмәт, халыкны эш белән тәэмин итү һәм социаль яклау министрлыгы сайтында күргән эш...
Май аенда барлыгы - 18 эш көне, 12 ял һәм бәйрәм көннәре
Май аенда татарстанлыларны рәттән 4 көн ял көтә: 1,2,3 һәм 4 май. Җиңү көне уңаеннан, 9, 10, 11 майда ял дәвам итәчәк. Бу хакта ТР Хезмәт, халыкны эш белән тәэмин итү һәм социаль яклау министрлыгы сайтында күргән эш календаренда белдерелә.
РФ Хезмәт кодексының 112 нче маддәсе буенча 1 май (Яз һәм хезмәт бәйрәме) һәм 9 май (Җиңү көне) эш көне булмаган бәйрәм көннәре санала. Ял көне белән эш көне булмаган бәйрәм көне туры килгәндә, ял көне бәйрәмнән соңгы эш көненә күчерелә. Бу юлы 9 май шимбәгә туры килү сәбәпле, 11 май дүшәмбе ял көне дип игълан ителә.
Моннан тыш, "2015 елда ял көннәрен күчерү турында"гы РФ Хөкүмәте карары белән 4 гыйнварда ял көне якшәмбедән 4 май дүшәмбегә күчерелә.
Нәтиҗәдә, май аенда барлыгы 18 эш көне, 12 ял һәм бәйрәм көннәре булып чыга.
Иң мөһим һәм кызыклы язмаларны Татмедиа Telegram-каналында укыгыз
