Бөгелмә авазы

Витаминнар: эчәргәме, эчмәскәме?

Торонто университеты галимнәре зур ихтыяҗ белән кулланылучы бик күп витаминнарның организмга бернинди дә уңай йогынты ясамавын ачыклаган. Витаминнар файдасын тикшерү биш ел – 2012-2017 елларда дәвам иткән.

Тикшеренү нәтиҗәләре кальций, С һәм Д витаминнарының организмга бернинди дә йогынтысы булмавын исбат иткән. Алар йөрәк-кан тамырлары авыруларын, инсультны кисәтергә ярдәм итми.

Шулай да С һәм Д витаминнарын фолий кислотасы һәм Б витамины белән бергә кулланганда уңай нәтиҗәгә ирешеп була. Бу очракта инсульт һәм йөрәк-кан тамырлары авырулары хәвефе бераз кими.

Галимнәр витаминнар куллануның авыруларны кисәтү өчен иң яхшы юл булмавын билгели. Иң яхшысы – тиешле витаминнар запасын җимешләр, яшелчәләр һәм чикләвекләр булган сәламәт диета белән алырга.

http://kiziltan.ru/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: