Бөгелмә авазы

Кукмарада 40 фатирлы йорт куллануга тапшырылды

Фатирлар авария хәлендәге торакта яшәүчеләргә, күп балалы гаиләләргә һәм социаль ипотека программасы буенча бирелде. (23 декабрь, Казан, «Татар-информ», "Хезмәт даны" газетасы, Ризилә Корбанова). Кукмара шәһәренең Гафиятуллин урамында республика программасы нигезендә төзелгән 40 фатирлы йорт хуҗаларына тапшырылды. Әлеге йорттан фатирлар авария хәлендәге торакта яшәүчеләргә, күп балалы гаиләләргә һәм социаль ипотека программасы...

Фатирлар авария хәлендәге торакта яшәүчеләргә, күп балалы гаиләләргә һәм социаль ипотека программасы буенча бирелде.

(23 декабрь, Казан, «Татар-информ», "Хезмәт даны" газетасы, Ризилә Корбанова). Кукмара шәһәренең Гафиятуллин урамында республика программасы нигезендә төзелгән 40 фатирлы йорт хуҗаларына тапшырылды. Әлеге йорттан фатирлар авария хәлендәге торакта яшәүчеләргә, күп балалы гаиләләргә һәм социаль ипотека программасы буенча бирелде.

Фатир хуҗаларының шатлыгын уртаклашырга район башлыгы Сергей Димитриев, Татарстан Президенты каршындагы Дәүләт торак фонды коммерцияле булмаган оешмасының башкаручы директоры урынбасары Булат Гыйлемханов, "Строй-Гарант" оешмасы җитәкчесе һәм башкалар килгән иде.

"Бүгенге көн сезгә дә, безнең өчен дә бик мөһим, чөнки әлегә кадәр начар шартларда яшәргә мәҗбүр булган гаиләләр яңа фатирлы булдылар. Районда әлеге юнәлешендә нәтиҗәле эш алып барла, - дип билгеләп үтте район башлыгы, ачылу тантанасында. - Киләчәктә иминлектә, сау-сәламәт булып, яңа фатирларның кадерен белеп яшәргә язсын. Барыгызны да якынлашып килүче Яңа ел белән тәбрик итәм!"

"Мин үзем Балыклы авылыннан, Кукмарага килеп урнашканыма егерме җиде ел булды. Әлегә кадәр Ленин урамы 9 йортта яшәдем. Андагы фатирны да шушылай Яңа ел алдыннан тапшырганнар иде, - диде Нурия апа Зидханова, шатлыгы белән уртаклашып. - Яңа фатир бик ошады. Бүлмәләре дә якты, иркен."

http://tatar-inform.tatar/news/2017/12/23/154848/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: