Бөгелмә авазы

Бөгелмә үз футболчыларын онытмый

10 июньнән 15 июньгә кадәр Бөгелмәнең “Энергетик” стадионында футбол буенча Александр Снегирев истәлегенә багышланган V бөтенроссия турниры узды.

Башта Александр Снегиревның кем икәненә тукталып узыйк. Ул – Бөгелмә спортчысы, балалар һәм яшүсмерләр мәктәбе тренеры, һәвәскәр командалар арасында уздырылган Россия чемпионатында катнашкан футболчы.

Аның истәлегенә багышланган турнирда 2006 елда туган малайлардан торган 10 футбол командасы көч сынашты. Бөгелмә, Әлмәт, Ижау, Чаллы, Бозаулык, Казан, Тольятти футболчылары үз көчләрен сынап карады. Турнир ике группага бүленеп узды.

Финал уеннарында Тольяттиның “Лада” командасы Ижауның “Зенит” командасы белән очрашты. Нәтиҗәдә, тольяттилылар 2:0 исәбе белән турнирның абсолют җиңүчесе булды.

tatar-inform.tatar фотосы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: